. 2011-02-22 - стрессгүй хичээл
Чингэлтэй дүүргийн 37 дугаар сургууль дунд, ахлах ангийнханд заах хичээлийн тоог нэгээр нэмжээ. Тэр нь "стрессгүй хичээл" нэртэй юм байна. Энэ талаар тус сургуулийн захирал С.Одмандахтай уулзаж ярилцлаа.
-Танай сургууль ямар учраас стрессгүй хичээлийг заах болов?
-Манай сургууль 2100 сурагчтай. Чингэлтэй дүүргийн 17, 18 дугаар хорооны иргэдийн буюу Улаанбаатарын захын гэр хорооллын хүүхдүүд сурдаг. Сургуулийн орчин, сурагч, багшийн ачаалал, сургалтын таатай орчин бүрдүүлэх явцад олон асуудал тулгардаг. Жишээ нь, хүүхдүүд гэр бүлийн нөхцөлд нэлээд стресстэй байдгаас сургуульдаа ирэхээр, сургалтын үйл ажиллагаанд оролцох идэвх муу, хичээлдээ сонирхолгүй байдаг. Тэр хэмжээгээр сургалтын чанарт ахиц гарахгүй байдал ажиглагдсан. Хүүхдүүдийн ярианаас аав, ээж нь ажилгүй, гэр бүлийн орлого дутмагаас болоод хэрэгцээтэй зүйлээ хэрэглэж чаддаггүй, сонирхолтой зүйлдээ суралцаж чаддаггүй нь анзаарагдсан. Мөн хүссэн зүйлээ авч, идэж, өмсч чаддаггүй зэргээс болоод сэтгэл зүйн хувьд байнгын дарамттай байдгаа тэд ярьдаг юм. Тиймээс хичээлийн бэлтгэлгүй ирдэг. Гэрийн даалгавраа хийдэггүй. Ном сурах бичиг хангалтгүй гэх зэргээр тухайн цагийн хичээл эхэлдэг. Хичээл эхлэхэд, өнөө хүүхэд хичээлийн хэрэглэл дутуу, гэрийн даалгавар хийгээгүйгээс болоод багш стресст ордог. Ингээд боловсрол олгох 40 минутын идэвхтэй хугацааны 10-15 минут багш хүүхдүүдтэй маргалдсаар өнгөрдөг. Яагаад гэрийн даалгавар хийгээгүй, яагаад хичээлээс хоцров, хичээлийн хэрэглэлээ яасан зэрэг бухимдлуудаас үндсэн 40 минутын хичээлийн магадгүй 50 хувь нь л идэвхтэй, үлдсэн нь үр дүнгүй өнгөрдөг. Багш нар ч энэ талаар ярьдаг. Хүүхдүүдийн хичээлд оролцох оролцооноос шалтгаалаад сурагч багшийн хооронд зөрчил үүсдэг. Үүнээс болж хичээлийн чанар чансаа буурч магадгүй гэж үзсэн. Гэр хорооллын сургуулийн хүүхдүүдийн сурлагын чанар хангалтгүй, хүмүүжлийн доголдолтой байна гэдэг асуудал яригддаг. Тиймээс энэ бүхэнд гарц хайж эхэлсэн. Ингээд хүүхэд болгонд ямар нэг байдлаар стандарт хөтөлбөрт заагдсан хичээлүүдээс гадна, өөрсдийнх нь дур сонирхол, хүслийн дагуу 40 минутыг өнгөрөөе гэж шийдсэн. Энэ 40 минутыг бид стрессгүй хичээл гэж нэрлээд байгаа. Ингэснээр багш ч бухимдахгүй, хүүхдүүд ч өөрсдийн сонирхлын дагуу энэ 40 минутын хичээлийг өнгөрөөх юм.
|
Сэтгэгдэл бичих ::
Найздаа илгээх ::
|
Сэтгэгдлүүд
|
|
|
|
. 2011-02-22 - Сайн уу
Хамтарч хичээллэсэнд баярлалаа багшдаа